Kukhuthazwa Abantu Ukuthi Abahlolele Igciwane Lesandulela Ngculazi
Written by Mduduzi Phungula on 1 December, 2023
By: Zilungile Mkhize
Inhlangano ekhuthaza iphinde igqugquzele izakhamuzi ngezinhlelo zokuzivikela ku-HIV, i-Treatment Action Campaign, ithi kubalulekile ukuqhakambisa isiko lokuhlolela igciwane lesandulela ngculazi, kanye nokufundisa abantu
ngaleligciwane.
Isikhulu esiphezulu kwa-TAC uMzamo Zondi, sithi ayisoze yaminingi imikhankaso egqugquzela ukulwisana naleligciwane, ukuzithiba kwabantu ocansini olungavikelekile, kanjalo nokubaluleka kwama ARV kumuntu osekutholakale ukuthi
usephila neHIV.
Namhlange kubungazwa i-Aids Day, nokuwusuku lokuqwashisa nge-HIV, kuphinde kudalulwe nezinhlelo ezikhona zokulekelela abane-HIV.
Ekhuluma ohlelweni lweGagasiFM Indaba With Alex, uZondi uthi abantu abazazi ukuthi bamiphi ngesimo sabo sempilo, bahlolele leligciwane badle nemishanguza yokulithithibalisa ama-ARV.
