Kusenzima Mayelana Nesicelo Sika-Eskom Sokubolekwa Imali
Written by Mfundo on 7 December, 2023
By: Buhle Mbhele
Kuhlukene imibono ephalamende mayelana nomthetho ohlongozwayo wokutakula inkampani kagesi owaziwa nge-Eskom Debt Relief Act, 2023.
U-Eskom ufuna ukuphinda utakulwe uhulumeni ngemali ebolekisayo.
Lokhu kwenzeka nje uMgcinimafa kazwelonke usanda kunika u-Eskom imali engu R254 billion ukuze ulungise izinkinga obhekene nazo kanjalo nengqalasizinda.
Amalungu ePhalamende athi umlando wamabhuku ezimali kwa-Eskom awumuhle neze, ngakho kuyobe kufana nje nokuthi uhulumeni uyayitakula futhi lenkampani, uma engayiboleka imali.
I-Democratic Alliance (DA), Economic Ffreedom Fighters (EFF), Inkatha Freedom Party (IFP) , FF-Plus kanye ne-ACDP, bakuchithile lokhu, bekhala ngokuthi imali ayisona isixazululo kwa Eskom kodwa kumele kubhekwe ubuholi kukhucululwe inkohlakalo nokugxambukela koNgqongqoshe nosoPolitiki.
Kodwa ke i-GOOD Party, iNFP kanye ne-ANC bayakweseka ukutakulwa kwa-Eskom.