By: Sthulile Mdletshe
UNgqongqoshe wezokuThutha nokuPhepha koMphakathi KwaZulu-Natal u-Sipho Hlomuka usencome ukusebenzisana kwamaphoyisa nomphakathi waKwaNongoma ekubopheni osolwa ngokuba inkabi ngemuva kokudutshulwa kwekhansela lendawo.
Lisinde kukubi ikhansela le-NFP KwaNongoma ku-ward 4 lidutshulwa ngentululwane yezinhlamvu.
Umsolwa ubanjwe ezama ukubaleka ngemuva kokuhlaselwa kwaleli khansela , eliphinde libe nguthisha wendawo.
Leli yikhansela lesibili elihlaselwayo KwaNongoma njengoba emasontweni edlule kwadutshulwa kwabulawa elinye ikhansela le-NFP, u-Ntombenhle Mchunu.
UHlomuka ngomholo wesikhulumi soMnyango, u-Kwanele Ncalane, uthi leli khansela lisinde kukubi labe seliphuthunyiswa esibhedlela.
UNcalane ube esencoma umphakathi ngokuzosiza ukumbula izinqa labo abathinteka ezigamekweni zokubulalwa kosopolitiki esifundazweni.
[advanced_iframe src=”https://streaming.fabrik.fm/fabrik/echocast/player/rewind-single/player.html?id=6d2fc469-1aa3-455c-8e71-36fc65de6156&web_url=https://echocast.fabrik.fm/N6Kqn98NKyvXm9&podcast_id=985e0ffb-3196-4e10-87bd-b39bd0b08d71″ width=”100%” height=”200″]
