Ngizokhuluma futhi ngizozilwela- Malema

By: Bright Ntuli

Umholi weqembu le Economic Freedom Fighters EFF, uJulius Malema uthi uzimisele ukuzikhulumela aphinde azivikele ezinsolweni zokubandakanyeka ekudliweni kwemali yebhange lase Limpompo iVBS.

Owangusihlalo walelibhange nokumanje obhadla ejele uTshifhiwa Matodzi uveze ukuthi iqembu leEFF lahlomula ngesamba samali engango R5 million kulelibhange njengomnikelo.

Lokhu ukuveze encwadini efungelwe.

Uveze nokuthi kunemali ebalelwa ku R1 million eyayingena nyanga zonke kulenhlangano iphuma kulelibhange.

U Matodzi uthi lemali yayifakwa enkampanini ka Brian Shivambu, ongumfowabo ka sekela Mengameli we EFF u Floyd Shivambu.

U Malema usephike walala ngomhlane ukuthi kukhona imali yalelibhange eyale yanikwa yena noma iEFF.

[advanced_iframe src=”https://streaming.fabrik.fm/fabrik/echocast/player/rewind-single/player.html?id=6d2fc469-1aa3-455c-8e71-36fc65de6156&ampweb_url=https://echocast.fabrik.fm/wJyppK7DK0DYn4&amppodcast_id=452d9442-7bb8-4616-b95d-4daa70eb99f0″ width=”100%” height=”200″]