By: Zilungile Mkhize
Umholi weqembu loMkhonto weSizwe (MK Party) uJohn Hlophe, uthi uhulumeni kumele ayicabangisise indaba yokuboleka imali emabhange omhlaba enenzalo emba eqolo ekubeni likhona ibhange le BRICS elinobudlelwano nalelizwe.
U Hlophe uthi akukwazi ukuthi uhulumeni akayiboni inkinga ngokuboleka emabhange asentshonalanga, ikakhulukazi njengoba kumanje iNingizimu Africa inoxhaxha lwezikweletu eziyokhokhwa ngisho nayizizukulwane ezizayo.
U Hlophe usho kanje ngenkathi ekhuluma ephalamende kulandela ukwethulwa kwesabelo mali sehhovisi likaMengameli uCyril Ramaphosa.
Kanti usephosele uRamaphosa inselelo yokuthi asebenzise ubudlelwane obukhona phakathi kwelizwe neBRICS Bank, uma sekuqhamuka isidingo sokuthi kubolekwe imali.
