Noluthando Mchunu
USihlalo wekomidi lezokuThuthukiswa KoMnotho kumasipala weTheku uThembo Ntuli uthi umkhakha wezokuvakasha kuleli dolobha uyaqhubeka nokuba umgogodla womnotho eKZN.
UNtuli usho kanje emcimbini wokuvalwa kweNyanga yezokuVakasha nebungazwa njalo ngoSeptember nalapho ephinde wethula ngokusemthethweni iSummer Season eMdloti eNyakatho yeTheku.
UNgqongqoshe wezokuVakasha kuzwelonke uPatricia De Lille wethula ngokusemthethweni lenyanga eThekwini ngaphansi kwesiqubulo esithi “Growing South Africa’s Tourism Sector in the Digital Era.”
Izibalo zakamuva zakwa-StatsSA zidalule ukuthi izivakashi ezivakashele lesi sifundazwe zinyukile ngo Julayi zisuka ku-25 thousand 939 zaya ku-33 thousand 479, okusho ukwenyuka ngo-29.1%.
UNtuli usebeke kanje,”We recognise tourism as the most important contributor to economic growth. Every visitor who arrives in Durban creates creates opportunities across a wide value of things, from accommodation establishments and restaurants.”
Kusukela ku January kuya kuMay 2026 umasipala weTheku uqophe uhambo lwasekhaya olucishe lube 1.8 Million okwenza imali elinganiselwa ku-R14.5 billion echithwe yizivakashi.
Lokhu bekuphakeme ngamaphesenti angu-38 uma kuqhathaniswa nesikhathi esifanayo ngo-2024, nakuba bekungaphansi kokusebenza okuhle kakhulu okwaqoshwa ngo2025.
UNtuli uphethe ngokwamukela zonke izivakashi ezizotheleka eThekwini kulesikhathi samaholidi esizayo.
Cofa ngezansi ukulalela inkulumo ka Ntuli
