Noluthando Mchunu
Umndeni wakwaNgubane kwaNdengezi eNtshonalanga yeTheku uthi uyathemba ukuthi indodana yawo edutshulwe yabulawa ngesihluku emagcekeni esikole izobuthola ubulungiswa.
USiphelele Ngubane obenza uGrade 10 kubikwa ukuthi ubehamba nomunye umfundi obegqoke umfaniswano wesikole kwathi emva kwesikhashana kwazakala kuqhuma isibhamu.
Ababonile bathi emva emva kokuqhuma kwesibhamu ubonakale esedindilizile enamanxeba okudutshulwa.
Ungqongqoshe wezemfundo uSipho Hlomuka usigxeke kakhulu lesi sigameko, eqhuba ngokuthi izikole akumele ziphenduke isizinda sodlame olusuke luqhubeka emphakathini.
Okhulumela umndeni uLindokuhle Ngubane uthi umfowabo ubesamncane futhi bebesalindele lukhulu kuyena.
“Ubengasona ngisho isigebengu, ubengatshontshi kodwa nje indlela abulawe ngayo, ubalawe okwesigebenu while nakhona futhi ewumfana omncane.”
“Wonke umuntu uyakhala ngaye, into ebakhalisa kakhulu nje inhlonipho yakhe, ukuthi nje eii…akasekho nje kanjalo nje,” kusho u Ngubane.
Lalela inkulumo ka Lindokuhle Ngubane ngezansi.
Yize kusolakala ukuthi umsolwa ubegqoke umfaniswano sesikole, amaphoyisa awakaqiniseki lutho ngaloludaba.
