Xolani Khumalo
Ongusekela sihlalo weNgonyama Trust ophinde abe ngummeli uLinda Zama uthi uyayeshwama indaba yemali engu 14 million ekuthiwa yachithwa ukuhlela umhlangano webhodi.
Lomhlango uke waba sematheni emva kokuthi iSilo uMisuzulu kaZwelithini emkhosini womhlanga siveze ukuthi kasizange simenywe kuwo, sabe sesigxeka nemali eyasetshenzisiwa.
Kamuva nje, ibhodi leNgonyama Trust belibambe ingqungquthela yokudingida ngomnotho wasezindaweni zasemakhaya eICC EThekwini, nophazanyiswe ngamabutho abeholwa uNkosikhona ‘Phakel’umthakathi’ Ndabandaba no Ngizwe Mchunu.
Lamabutho abezozwakalisa ilaka lawo ngokungabandakanywa kuka Ngangezwe lakhe ongusihlalo walelibhodi kulomhlangano.
Sethula inkulumo eMkhosini Womhlanga, Isilo sazwakalosa ukungenami ngendlela ibhodi le Ngonyama Trust elalisebenzisa ngayo izimali zelesikhwama.
Buka ngezansi i-video yenkulumo yeSilo
Ekhuluma ohlelweni lwe-Gagasi FM Indaba, uZama usezwakalise ukudumala ngezinsolo zeSilo ngemali eyasetshenziswa emhlanganweni.
“No no, ngiwu Vice Chairperson, ngiwummeli futhi ngiwulommeli othembekile, hhayi kule province, eSouth Africa. Akukho, akukho lokho, R14 million! Thina siyi trust, thina siphathiswe njengezethenjwa izimali zabanu.”
“Ngisho uR10 000 awuphumi laphana kungachaziwe, akudlalwa laphayana,” kusho uSekela Sihlalo.
Cofa ngezansi ukuzwa inkulumo kaZama
