Xolani Khumalo
Ungqongqoshe Wezemisebenzi Yomphakathi nengqalasizinda, uDean Macpherson useyalele ukuthi kwenziwe uphenyo mayelana nenkampani i-Morial Infrastructure Group.
Lokhu kulandela ukuxhumana kwale nkampani nosomabhizinisi uLawrence Mudzinganyama obonakala kwiVideo esisabalele ezinkundleni zokuxhumana esongela iqoqwana labesifazane ngokubabulala endlini yangasese endaweni yokudlela iVlāmo eSandton eGauteng.
U-Macpherson uthi ukhathazekile ngemibiko yokuthi lenkampani yathola izimvume zokusebenza ezahlukene ku-Construction Industry Development Board ngosuku olulodwa.
Uthi kungenzeka ukuthi lenkampani ayihlangabezananga nezidingo ezifanele ukuthola lezimvume ezasetshenziselwa ukuthola izinkontileka zikahulumeni.
Kanti ne Build One South Africa isecele ukuthi uHulumeni angabe esazimatanisa nomnikazi walenkampani esebenzisana noHulumeni.
uNgqongqoshe wezokuthutha uBarbra Creecy useyalele ibhodi lesikhungo sikaHulumeni iSouth African National Roads Agency board ukuthi libuyekeze zonke izinkontileka ezimataniswa nenkampani kalosomabhizinisi.
Oyisekela lomholi we-Bosa uNobuntu Hlazo-Webster uthi sebebhalele ungqongqoshe ukuthi akhiphe yonke imininingwane yokuthi lenkampani yalithola kanjani lelithenda, nazo zonke izinkontileka ezaphuma.
“We have written to the minister of transport requesting the complete procurement record. Every contract that has been paid, what has been awarded, the billing end and the due diligence that was conducted on the company and its beneficial owners,” kusho uWebster
UWebster uvale wathi, “If the minister doesn’t provide this information by Wednesday we are going to launch a formal PAIA application.
