By: Noluthando Mchunu
Uphiko lwezokushushiswa komphakathi iNational Prosecuting Authrity (NPA) eKZN, selusishayele ihlombe isigwebo seminyaka engu-10 esigixabezwe uRhana Naicker olahlwe icala lokweba uR500 000 kasomabhizinisi wesifazane eRichards Bay, enyakatho neKZN.
Kulesigwebo kulengiswe iminyaka emibili kanti yize uNaicker ebeboshelwe ukukhwabanisa nokushushumbisa imali, kodwa uphume phambili wase elahlwa icala lokweba nazolidonsela iminyaka engu-8 ejele.
Kubikwa ukuthi walutha usomabhizinisi wesifazane wathi kudayiswa ‘Shares’ enkampanini iKZN Oils, okwaholela ekutheni losomabhizinisi amukholwe amunike u500 000 ngenhloso yokuthenga lezabelo. uNaicker wabe esesebenzisa lemali ukukhokhela ngayo isikweletu ayenaso nalenkampani.
Okhulumnela iNPA uKhetha Sangweni, uthi uNaicker wake walahlwa icala lokukhwabanisa eminyakeni engu-30 edlule, lapho ahlawuliswa khona.
“UNaicker kuvele ukuthi wake wahamba amanye futhi amacala okukhwabanisa nokweba enkantolo yaseMtubatuba, isesikhaleni, kanye nase Richardsbay.
I-NPA ithi iyasamukela isigwebo asitholile ngethemba lokuthi sizoxwayisa nabanye abasacabanga ukugila lomkhuba,” kubeka uKhetha Sangweni.
