Amalungu omphakathi wase Copesville athi akhathazekile ngezidumbu ezitholakala kulendawo.
Written by Phakeme Mnguni on 3 April, 2025
By: Nompendulo Ngubane
Amalungu omphakathi waseCopesville eMaritzburg maphakathi nesifundazwe asezwakalise ukukhathazeka ngezigameko zokutholakala kwabantu sebeshonile kuleyandawo.
Lokhu kulandela ukutholakala kwesidumbu sika Khanyi Mkhize wase Haniville oneminyaka engu 30 ubudala esitholwe ngamalungu omphakathi esikhotheni ngemva kokuzwa iphunga.
Ukutholakala kuka Mkhize akukhona okokuqala ukwenzeka kule ndawo njengoba phambilini kutholakale izidumbu zabantu besilisa abathathu.
Ngokuchaza kwelungu lomphakathi uMxolisi Nxumalo lezi zigameko ziyakhathaza njengoba zibonakala zanda kunokuthi zehle.
UNxumalo usenxuse ihhovisi likaNdunankulu waseKZN ukuthi lingenelele kuqedwe ngesihlava seGBV, ukuze kuzoma nokuchitheka kwegazi.
