By: Sthulile Mdletshe
Inhlangano yabahlali i-Activists and Citizens Forum ithi uNgqongqoshe wamaphoyisa osabambile uFiroz Cachalia siyasolisa isenzo sakhe sokugxeka esidlangaleleni ukhomishana wamaphoyisa akuzwelonke uFannie Masemola.
UCachalia estatimendeni asikhiphe ngoLwesihlanu uzwakalise ukungenami ngesimemezelo sika Masemola sokuthi uzolivuselela kabusha ithimba eliphenya ngokubulawa kospolitiki esifundazweni iKZN.
Kuzokhumbuleka ukuthi ukhomishana wamaphoyisa aKwaZulu Natali uNhlanhla Mkhwanazi wasola uNgqongqoshe wamaphoyisa osamisiwe uSenzo Mchunu ngokuhlakaza lelithimba, nokuvikela abathize abathintekayo.
UMasemola ke uphinde wamemezela nokuthi amadokodo angu-121 ekwakuthiwa awasezuphenywa asezobuyela emuva kulelithimba, nophenyo luqhubeke la lwalugcine khona – kuboshwe nekufanele baboshwe.
Okhulumela lenhlangano, uDennis Bloem uthi uCachalia kuzomele adede angagxambukeli emsebenzini wamaphoyisa.
“Kungenzeka ukuthi ibamba likangqongqoshe wamaphoyisa lawabuka lamadokodo labona uhlu lwamagama abaholi abaphezulu abawumbimbi nezenzo zobugebengu, sibona sengath ungqongqoshe uzama ukuvimba ukuthi baboshwe labaholi.”
-Dennis Bloem
