By: Xolani Khumalo
Umfelandawonye wezinyunyana zabasebenzi i-Cosatu uthi ukhathazekile ngesinqumo sesikhungo esilawula ezamandla uNersa sokugunyaza uEskom ukuthi wenyuse intengo kagesi.
Abantu abawuthenga ku Eskom ngqo ugesi, kusukela ngenyanga ezayo bazokhokha imali ethe xaxa ngo 8.76% nokusho ukuthi ugesi obuwuthenga ngo-R100 usuzowuthenga ngo-R108,76 cents.
Kanti omaspala bona ugesi abawuhlinzeka amakhasimende abo sebezowuthenga ngo-9.01% ngaphezulu kusukela ngomhlaka 1 July.
Okwamanje omasipala basahlela ukuthi bazowunyusa ngamalini ugesi, njengoba bekuqinisekisa ukuthi basazosimemezela isinqumo sabo emphakathini ngokuhamba kwesikhathi.
Oyisikhulumi seCosatu uMatthew Parks uthi akwamukelekile ukuthi sekuphele iminyaka eyishumi abahlali bakuleli bezithola benyuselwa ugesi unyaka nonyaka.
