By: Xolani Khumalo
UNgqongqoshe womnyango wezasekhaya uLeon Schreiber uthi uhulumeni walapha eNingizimu Afrika ususebenzisa imali engu-R80 million kunyaka wezimali ka-2024/25 ohlelweni lwalomnyango lokugodukisa abokufika abakulelizwe ngokungemthetho.
Lokhu kuvele ephalamende emva kombuzo weqembu i-Patriotic Alliance ebuze mayelana nemali yezindleko zohlelo lokugodukisa abokufika babuyiselwe emazweni abo.
Umnyango uthi ngaloluhlelo sebewelisa abantu abangu-51,000 abangagunyaziwa ukuba kulelizwe kusukela kungene uhulumeni wobumbano ngonyaka owedlule.
Ungqongqoshe uthi kusukela ngonyaka ka-2022/23 kuchithwe imali engango R32 million, kwathi ngonyaka ka-2023/24 yenuka, kwasebenza uR67 million kuthuthwa abokufika bephindiselwa emazweni abo.
