By: Bright Ntuli
Oyinhloko yophiko lwamaphoyisa oluphenya amacala akhethekile i- Special Investigating Unit u-Andy Mothibi uthi bahlela ukubuyisa imali elinganiselwa ku-R900 million eyebiwa yiqembu lezigebengu esibhedlela saseTembisa eGauteng ngomkhonyovu wokuthengwa kwempahla.
Kanti izimoto zikanokusho beziphakathi kwezimpahla ezishaqwe esithabathabeni somuzi endaweni yabadla izambane likapondo Sandton okubikwa ukuthi owesikhulu samathenda akulesibhedlela uHangwani Maumela.
Kubikwa ukuthi wasebenzisa izinkampani ezingu-41 ukuthola amathenda ka-R820 million eminyakeni emibili esebenzisa izinkontileka zomgunyathi.
UMothibi uthi baphinde bagasela nasendaweni edayisa izimoto esifundazweni i-Mpumalanga.
