By: Sthulile Mdletshe
Inkantolo ephakeme yase Pretoria eGauteng, eyengamele ukuqulwa kwecala lokubulawa kwaloyo owangunozinti nokapteni weqembu lesizwe iBafana Bafana, ne Orlando Pirates, uSenzo Meyiwa isisichithile isicelo sokuthi kuhoxiswe ukuqulwa kwalelicala ebesifakwe umsolwa u-Mthokoziseni Maphisa.
UMaphisa ungomunye wabasolwa abangu-5 abasolwa ngokubulala uMeyiwa ngesikhathi evakashele isinqandamathe sakhe uKelly Khumalo ekhaya laso ngo-October 2014, kanti ubefuna inkantolo ichithe ubufakazi athi abulona iqiniso.
Lobufakazi bethulwa umseshi u-Sizwe Zungu, owatshela inkantolo ukuthi wabona ummangalelwa eVosloorus ngosuku ekwabulawa ngalo Meyiwa.
Kanti u-Maphisa uyena kuphela okhethe ukuqhubeka nesicelo sokuthi kuchithwe leli cala ngaphansi kwesigaba 174, ephakamisa ukuthi abukho ubufakazi obanele bokuthi lingamugojela.
IJaji uRatha Mokgoathleng uthi ubufakazi buka Zungu budlale indima enkulu kuleli cala.
