By: Buhle Mbhele
Umndeni wasebukhosini bakwaZulu usuzwakalise isifiso sokuthi indawo ekwatshalwa kuyo uMntwana waKwaPhindangene iNkosi uMangosuthu Buthelezi, esiphendulwe indawo yamagugu, ihlomulise umphakathi wasoLundi, enyakatho yeKwaZulu-Natal.
UMntwana uThulani Zulu uthi lendawo kumele igcinwe kahle ukuze kugcinwe futhi kudluliswe umlando kaNdunankulu kaZulu ongasekho emhlabeni ezizukulwaneni ngezizukulwane.
Umtwana uZulu ukusho lokhu ekhuluma nezindaba zeGagasi FM emcimbini wokwethulwa kwendawo okutshalwe kuyo uButhelezi njengeyamagugu.
Uthi lendawo kumele kuqinisekiswe ukuthi iyavikelwa futhi izivakashi ziyakwazi ukufinyelela kuyo.
“Umntwana kaPhindangene uphile namakhosi amathathu, wabona ukuhamba kukamzala wakhe Inkosi uCyprian Bhekuzulu, kanti wabakhona nasekubuseni kuka MNtwana uMcwayizeni owayeyibambabukhosi ngaleso sikhathi, waphinde wabakhona futhi sekuphuma umntwana uMcwayizeni, nasekungeneni kwenkosi uMisuzulu.”
Uqhuba ngokuthi umsebenzi womntwana kaPhindangene mkhulu kakhulu, yingakho lesigcinamagugu sizoba ifagugu laKwaZulu-Natal, kanti lendawo kufanele ibe yi-National Heritage Site.
