By: Buhle Mbele
Izingane zesikole ezingu-17 kanye nomuntu omdala oyedwa sebelimele engozini yetekisi eyenzeke ku-N3 ngaseMarianhill Toll Plaza, ngaphandle kweTheku namhlanje ekuseni.
Itekisi abebehamba ngalo liphaphalazile, lagingqika lalala ngomhlane.
Iziphathimandla zisendaweni yesigameko kumanje ziqoqa imininingwane eyengeziwe ngale ngozi.
Kanti abezimo eziphuthumayo bakwa-ALS ngomlomo ka Gareth Jamieson bathi imbangela yalengozi ayikaziwa okwamanje.
“Cishe izingane zesikole eziyishumi nesishiyagalombili ezilimele engozini yamatekisi, ku-N3 ngaphambi kweMarianhill Toll Plaza.
Abezimo eziphuthumayo basheshe bafuna ngokushesha ama-ambulensi. Kulesi sigaba imbangela eholele kulengozi ayikaziwa kepha amaphoyisa ayesendaweni yesigameko azophenya ngokuqhubekayo,” kubeka uJamieson.
