By: Zilungile Mkhize
Osomnotho bathi njengoba lonyaka usugoqwa nje ikhona inhlansi yethemba lokukhula komnotho weNingizimu Afrika ngalonyaka ozoqala u-2026.
Baphawula kanjena njengoba beqagula ukuthi umnotho walelizwe ungase ukhule ngamaphesenti angu-1.6 nokwesekelwe ukwanda kwabatshali zimali, nokwehliswa kwezinga lenzalo yemali ebolekisayo.
Omunye walabosomnotho uRaymond Parsons uthi ukwandiswa kwamathuba emisebenzi, ukutshalwa kwezimali, ukuthuthukiswa kosomabhizinisi, ikakhulu abasafufusa, yikho okuzolekelela ekukhuleni kwe GDP yezwe.
Uthi nokho ukubhidlanga kobugebengu nenkohlakalo, kufaka engcupheni wonke umsebenzi omuhle osuwenziwe ukuthuthukisa umnotho.
