By: Sthulile Mdletshe
I-ANC isizichithile izinsolo zokuthi ikhetha iphela emasini ngodaba lukaNgqongqoshe wamaPhoyisa osamisiwe uSenzo Mchunu.
Lokhu kulandela imbiko ekhomba ukuthi uMchunu uthola impatho ehlukile uma kuqhathaniswa namanye amalungu esigungu esiphezulu asolwa ngenkohlakalo.
Kulempelasonto uMchunu ubengomunye wamalungu eqembu ebebonakala ebambe iqhaza emcimbini ebibanjwe ekapa ukuzohlola isimo seqembu nokuqubule imbuzo yokuthi kungani umthetho weANC ka step aside ungasetshenziswanga kuyena.
Ngokwalomthetho, amalungu abhekene namacala enkohlakalo noma amanye abucayi, kumele azishenxele wona ezikhundleni naseqenjini noma amiswe.
Ephawula ngalokhu, uNobhala Jikelele weqembu, uFikile Mbalula, ukubeke kwacaca ukuthi alikho icala uMchunu abhekene nalo enkantolo ngakho ke usazoqhubeka nemisebenzi yeqembu.
