By: Zilungile Mkhize
Ungqongqoshe wezolimo uJohn Steenhuisen uthi ukungabibikho kocingo noma uthango emngceleni ohlukanisa iNingizimu Africa ne Zimbabwe, kungenye yezinto ezibhebhethekisa isifo samatele.
Uthi nase Limpopo yinto efanayo, njengoba ethi ukuwa kocingo oluhlukanisa lesifundazwe nesiqiwi iKruger National Park, kwenza kube lula ukuthi izinyathi ama buffalos, zeqe zisabalalise isifo samatele.
USteenhuisen usho kanje ekhuluma emkhankasweni womnyango wakhe wokugoma imfuyo ukuze ivikeleke kulesifo.
Lomkhankaso ozungeza izifundazwe zonke, ususePolokwane eLimpopo.
UNgqongqoshe uthi ukuze linqandwe leligciwane eselibulele inqwaba yemfuyo, ikakhulukazi izinkomo, kumele kusetshenzwe ngokubambisana.
