By: Xolani Kumalo
Ikomidi lephalemende lesikhashana iAd Hoc namhlanje nakusasa lizolalela ubufakazi balowo owayengu Ngqongqoshe wamaphoyisa kuleli uBheki Cele nosathatha umhlalaphansi.
Lelikomidi eliphenya ngenkohlakalo ekhungethe umbutho wamaphoyisa i-South African Police Service lizama ukuhlanganisa ubufakazi obuzakhanda isithombe esiphelele ngezinsolo ezenziwa ukhomishana wamaphoyisa eKwazulu Natali uNhlanhla Mkhwanazi ezabe zithi kunezigelekeqe ezingosomabhizinisi ezisebenzisana nopolitiki kanye
neziphathimandla zamaphoyisa ukugxambukela emsebenzini wamaphoyisa kuleli.
Sebebane ofakazi asebevele ngaphambi kwalelikomidi okubalwa phakathi kwabo uKhomishana wamaphoyisa eKZN uNhlanhla Mkhwanazi uKhomishana wamaphoyisa kuzwelonke uFannie Masemola usekela khomishana wamaphoyisa uShadrack Sibiya uNgqongqoshe wamaphoyisa osahleli ekhaya uSenzo Mchunu.
Namhlanje uCele kulindeleke ukuthi azochaza kabanzi ngohlaka lokusebenza kwamaphoyisa alwaqala ngo 2019, olwakhiphela ngaphandle ithimba eliphenya ngokubulawa kosopolitiki i-Political Killing Task Team elasungulwa ngo-2018.
