By: Xolani Khumalo
UMnyango Wezabesifazane, Intsha nabantu abakhubazekile wamukele ukuboshwa komsolwa mayelana nokubulawa kwabantu besifazane ababili eMamelodi East, ePitoli.
Ungqongqoshe walomnyango uSindisiwe Chikunga uselugxekile lolu dlame futhi wancoma amaphoyisa ngokuphendula ngokushesha, ephinde wagqugquzela uhlelo lwezobulungiswa ukuthi lusebenze ngaphandle kokubambezeleka.
Umsolwa kulindeleke ukuthi avele namuhla eNkantolo kaMantshi yaseMamelodi.
Okhulumela uMnyango, uCassius Selala, ucele umphakathi ukuthi usebenzisane namaphoyisa ukuze kuqedwe udlame olubhekiswe kwabesifazane.
