By: Bright Ntuli
Uphiko lwabesifazane lwe United Democratic Movement luthi uhlelo lokukhishwa noma lokudedelwa kweziboshwa emajele ngoshwele luyohlezi luyingozi ikakhulukazi kulabantu elizama ukubavikela.
Lenhlangano ithi uma loluhlelo lungeke lwakhiwe kabusha luhambisane nezimiso zokuziphendulela nokungafihli lutho luzoqhubeka nokungawenzi umsebenzi ekumele luwenze.
Umbiko wakamuva kaMcwaningi Mabhuku Jikelele eMnyangweni Wezokukhunyeliswa kwezimilo uveza ubuthakathaka obujulile nosebunesikhathi eside bukhona ohlelweni lokudedelwa kweziboshwa ngoshwele kulelizwe.
Unobhala-jikelele we-The United Democratic Movement Women’s Organisation, uThandi Nontenja uthi izisulu kumele zibekwe phambili ekuthathweni kwezinqumo zikashwele, futhi ukuphepha kwazo kumele kube nesisindo esikhulu ekutheni iziboshwa ziyadedelwa noma cha.
