By: Pamella Majola
Umnyango wezokuthutha kuzwelonke uthi unethemba lokuthi kuzoshaya inyanga kaDecember seyehlile ingcindezi yenkinga yokukhishwa kwezincwadi zokushayela.
Lomnyango ubhekene nengwadla njengoba kunabantu abangu-500,000 abasalinde ukuthola ama-driver’s license abo.
Iyaqhubeka imizamo yokuxazulula lenkinga esithikameze nabashayeli abaningi emgwaqeni – ngenxa yokubambezeleka okukhona.
Okhulumela mnyango wezokuthutha kuzwelonke, Collen Msibi, uthi bazama ngayo yonke indlela ukwehlisa umthamo wokukhishwa kwalamakhadi asenqwabelene.
Kanti uthi kusukela bekwaze ukukhanda umshini owakha lamakhadi ngo-May, sebeqhikize amaLicense okushayela angaphezulu kuka-800,000.
UMsibi uthi isizathu sokuthi lesibalo singehli ngokushesha ukuthi nsuku zonke baphinda bathola izicelo zamaLicense amashaya angu 10 thousand.
Usenxuse abashayeli ukuthi baqhubeke nokusebenzisa izincwadi zabo zokushayela zesikhashana.
