By: Zilungile Mkhize
Oyinhloko yophiko lwezobunhloli uDumisani Khumalo uthi izingxoxo zika-WhatsApp ezithinta osolwa ngokuba yilungu leqembu lemigulukudu yezigebengu uVusimuzi Matlala, ziveze imizamo yokuvikela amathenda nokuhlakazwa kwethimba eliphenya ngokubulawa kosopolitiki.
Ethula ubufakazi phambi kwekhomishana kaMadlanga ePitoli namuhla, uKhumalo uthi izingxoxo phakathi kukaMatlala nosomabhizinisi uBrown Mogotsi ziphinde ziveze ukuxhumana nezikhulu eziphezulu zamaphoyisa.
Uthi kulezingxoxo, kuyavela nokuthi kukhona osopolitiki abebekhokhelwa ngasese, ukuze lemaqembu ezigebengu athole indlela yokungena kuhulumeni.
UKhumalo useveze nokuthi u-Matlala ubuye asebenzise noomazisi abanamagama ehlukene.
