By: Bright Ntuli
Unobhala jikelele we-ANC uFikile Mbalula useyichithile imbiko ethi umhlangano omkhulu womkhandlu weqembu i5th National General Council ungase uphenduke inkundla yokuncintisana ngezikhundla zobuholi.
Kunezinsolo zokuthi kunamalunga amadala aleliqembu afuna akhonjwe indlela uMongameli walo uCyril Ramaphosa.
Lomhlangano womkhandlu wezinsuku ezingu-5 nozoqala ngesonto elizayo eGoli, uzohanjelwa abaholi bamagatsha abavela ezifundazweni ezahlukahlukene.
Kanti phakathi kokuzoba sezithebeni zalomhlangano, kubalwa nezingxoxo zokuvuselela kabusha leliqembu ngobuholi obuqotho, kuphinde kubhekwe nokuthi sekuhanjwe kwagcinwaphi ngezinqumo ezathathwa phambilini ezingqungqutheleni zeqembu.
UMbalula ukuthi akukho mdonsiswano okhona ngaphakathi ku-ANC futhi iqembu lizoqhubeka nokuvikela ubuholi bukaRamaphosa.
