By: Buhle Mbhele
Umntwana uSmakade Zulu oyizinyane leSilo esesakhothama uGoodwill Zwelithini kaBhekuzulu uthi udaba lwesihlalo sobukhosi uzoludlulisela enkantolo yomthetho sisekelo.
Usho lokhu ngomlomo kaMntwana uThokozani Zulu oseveze ukuthi isinqumo senkantolo yokudlulisa amacala sokuthi iNdlulamithi uMisuZulu kaZwelithini, yiyo efanele ukuba sesihlalweni siyaphikisana nomthetho wasendlunkulu.
Ekuqaleni kwalenyanga, inkantolo eNkulu yokuDluliswa kwamaCala eBloemfontein ikhiphe isinqumo esivuna iSilo uMisuzulu kaZwelithini njengomholi ofanele wesizwe samaZulu.
Lokhu kulandela ukungaboni ngasolinye kanye nombango phakathi kwamalunga endlunkulu ka Zulu aseka uMntwana uSmakade ukuthi kube nguye iSilo kulandela ukukhothama kweMbube ngo-2021.
uMntwana uThokozani ekhuluma esithangamini sabezindaba izolo uthi, kukhona amagebe akulesinqumo senkantolo.
