By: Sthulile Mdletshe
UMnyango wezamaJele uthi usazoxoxisana nabameli ukucubungula isinqumo esenziwe yijaji u-Ratha Mokgoatlheng ecaleni lokubulawa kuka Senzo Meyiwa ngezinsolo ezenziwe umsolwa wesihlanu kuleli cala, uFisokuhle Ntuli.
Lelijaji linqume ukuthi uNtuli asuswe ngokushesha ejele i-Kgosi Mampuru ayiswe ejele eLeeuwkop.
Lokhu kuza ngemva kokuthi umsolwa wesihlanu uNtuli etshele inkantolo enkulu ePitoli ukuthi uthola ukuhlukunyezwa ezandleni zamaphoyisa asejele i-Kgosi Mampuru.
U-Ntuli usekhale ngokuthi muva nje amaphoyisa agasele egunjini atoke kulo, athi athole izinto ezingekho emthethweni azikhomba kuye, nekubalwa kuzo umakhalekhukhwini.
Ukuqulwa kwaleli cala kubonakale kubambezeleka ngemuva kokuthi u-Ntuli enqabile ukuphuma esitokisini sakhe efuna ijaji lingenelele odabeni lokuhlukunyezwa kwakhe ejele, ethi ubhecwa ngobubende inyama engayidlanga.
