Ungqongqoshe wezemfundo ePhakeme uNobuhle Nkabane usezichithile izinsolo zokuthi umengameli uCyril Ramaphosa usezinhlelweni zokumxosha kulesikhundla.
UNkabane ekhuluma nabezindaba ngenkathi kuqhubeka imashi egqugquzela ukulwisana nodlame lwezobulili eBhisho, eEastern Cape, usechaze ukuthi umengameli akakathumeli ngisho incwadi kuyena mayelana nesikhundla sakhe.
Lokhu kuza njengoba uNkabane esethole okukhulu ukugxekwa, esolwa ngokuqoka ngokwenzelela amalungu ebhodi lakwa Seta, iSector Education and Training, kanye nokuqamba amanga phambi kwephalamende ngaloludaba.
Ekuqaleni kwaleli sonto, ke uNkabane ubuyiswe esesesikhumulweni sezindiza eGoli ngaphambi kohambo lwakhe lokuya eChina.
Emuva kwalokho okhulumela uMengameli uVincent Magwenya utshele izintatheli ukuthi udaba lukaNkabane luseqhulwini ehhovisi likamengameli, nokuholelel ekutheni kwande izinsolo zokuthi usezoxoshwa.
UNkabane eziphendulela, usesho kanje.
