By: Sthulile Mdletshe
Isikhwama esixhasa abafundi basezikhungweni zemfundo ePhakeme ngemali uNSFAS sithi ekupheleni kwenyanga ka October sizoba nohlelo olusha lokuhlinzeka abafundi ngezindawo zokuhlala. Lokhu kuza njengoba kuke kwabonakala inqwaba yezitshudeni emanyuvesi nasemakolishi zixoshwa ezindaweni ezizimele eziqashe kuzo ngemuva kokuthi uNSFAS ehlulekile ukukhokhela omasitende.
Omasitende bezindawo ezihlala lezitshudeni nabo sebekhale ngokuthi bacwile shi ezikweletini ngexa yokuthi abakhokhelwe kusukela ngonyaka odlule.
Ungqongqoshe wemfundo ePhakeme uBhuti Manamela usebeke kanje ngezinhlelo zokulungisa isimo sezindawo zokuhlala nezindlu zezitshudeni ngaphambi kokuthi kuqale unyaka omusha 2026.
“I know that this has been a major concern for many people, and we have flagged it as an indicator of readiness. Too many learners still live in unsafe and undignified conditions. We are working with institutions but also with communities in the private sector to accelerate accredited accommodation and to also eliminate confusion around who pays/who administers and also when,” kusho uManamela.
