Buhle Mbhele
UNdunankulu waKwaZulu-Natal, uThami Ntuli, usecele izinduna ezihlangane e-Archie Gumede Conference Centre eThekwini ukuthi zisebenzise izikhundla zazo ukulwa nodlame olubhekiswe kwabesifazane nezingane.
UNtuli uphinde wancoma ukufakwa kwabesifazane ebuholini bendabuko, njengoba abesifazane abangaphezu kwabahlanu behlonishwe ngezitifiketi namuhla.
Izinduna ezingaphezu kwekhulu zithole izitifiketi zokuhlonishwa ngokuphelele nguhulumeni, okuzozivulela ithuba lokuthola inzuzo yezimali ngomsebenzi wazo.
Nokho, uNtuli uzwakalise ukukhathazeka ngokwanda kokubulawa kwabesifazane ezweni, ethi izinduna kumele nazo zibambe iqhaza elibonakalayo kulempi.
“Abaholi bomdabu banomthelela ekukhuliseni abantwana abzokwazisa amagugu, amasiko nomlando wesizwe esimpisholo,” kusho uNtuli.
Cofa ngezansi ukuzwa inkulumo kaNtuli…
