By: Pamella Majola
uMengameli we-African National Congress uCyril Ramaphosa uthi uhlelo olusha lwezomnotho luzogxila emalokishini, ezindaweni zasemakhaya nasemadolobheni amancane.
uRamaphosa usethule loluhlelo olunamaphuzu angu 10 nokuhloswe ngalo ukuthuthukisa umnotho wezwe okungenani ngamaphesenti amathathu esithangamini sabezindaba eGoli.
Lesithangamini silandela umhlangano wesigungu esiphezulu salenhlangano, esithathe izinsuku ezintathu.
uMengameli uthi loluhlelo ke luwumhlahlandlela wokubona abantu bakuleli bethuthuka, ikakhulukazi labo abaswele.
uRamaphosa usenxuse ukusebenzisana kwazozonke izinhlaka ukuze loluhlelo luphumelele.
