By: Sthulile Mdletshe
Ukhomishana wamajele kuzwelonke uMakgothi Thobakgale uthi usamningi umsebenzi okumele wenziwe ukunqanda ukudayiswa nokushushumbiswa kwezidakamizwa kwamajele aseNingizimu Afrika.
Lokhu njengoba amajele akuleli ebhekene nokwanda kwezigameko zeziboshwa ezitholakala nezinto ezingafanele ukungena emajele
Kamuva nje amaphoyisa agasele ejele lase-Westville kungalindele muntu ngolwesine ebusuku avundulule inqwaba yezinto ezingekho emthethweni okuhlanganisa nezidakamizwa, omakhalekhukhwini, utshwala, izikhali , imali, namakhadi amaselula nakho konke okungangunyaziwe ukuba kungene ejele.
UThobakgale uthi ijele lase-Westville, libalwa namahlanu agcwele ngokweqile neseliphenduke isidleke sobugebengu nokushushumbiswa kwezidakamizwa.
Ukhale ngokuthi leli jele sekunesikhathi eside liqaphwe ngeso elibomvu kulandela imbiko yezigelekekqe zamaqembu obugebengu aqhubekayo nokwephulwa imithetho yezokuphepha emajele.
Ekhuluma esithangamnini nabezindaba uphinde waqinisekisa ukuthi impela bazowotha ubomvu abasebenzi basemajele abasolwa ngokusebenzisana nalezi zephulamthetho ukuqhuba lomshikashika.
