By: Nompendulo Ngubane
I-ANC ithi izosebenzisana nezinhlaka ezahlukene zakuleli ukulwisana nesenzo sezwe lase Melika sokuhlasela izwe lase Venezuela.
Lokhu kungemumva kokuhlasela kobuholi base Melika ngaphansi kuka Mengameli uDonald Trump ogasele kulo lelizwe washaqa uMengameli wakuleliya lizwe uNicolás Maduro nonkosikazi wakhe.
Uhulumeni wakuleli, namaqembu ezepolitiki okubalwa nenhlangano yezizwe i United Nations sebesigxekile lesi senzo seMelika besichaza njengobuqhwaga.
Unobhala Jikelele we ANC uFikile Mbalula uthi njenge Ningizimu Africa ngeke baze bathule babukele lesi senzo seMelika.
Ekhuluma esithangamini sabezindaba eRustenburg uMbalula uyalele iMelika ukuthi ikhulule ngokushesha uMengameli nonkosikazi wakhe.
