By: Buhle Mbhele
I-EFF ephalamende seyizwakalise ukukhathazeka mayelana nendlela umnyango wezohwebo nezimboni oqhuba ngayo umsebenzi wokunika inkampani iGold Rush Consortium imvume yokusingatha ukusebenza kwenkampani yezokugembula iNational Lotteries.
Oyilunga leEFF ePhalamende uSinawo Tambo usefake isicelo ekomidini elibhekelele ukusebenza kwalomnyango ukuthi libize uNgqongqonshe uParks Tau azochaza ngezinsolo zenkohlakalo ezinthinta ihhovisi lakhe ngaloludaba.
iGold Rush Consortium, okuyinkampani ephethwe ngosomabhizinisi baqavile base KZN uMoses Tembe kanye noSandile Zungu isiqokwe njengenkampani enezincwadi ezifanele ukuthi iqhube umsebenzi wokwengamela i-National Lotteries.
I-EFF ayeneme ngalesinqumo, njengoba ithi labosomabhizinisi bangamalunga eANC nokusho ukuthi kukhona ukwephulwa komthetho okuqhubeka ngalethenda.
