By: Bright Ntuli
I-EFF isikugxekile ukwehluleka kweKhomishana eNkulu yaseBrithani ukucubungula iphasise isicelo se-Visa somholi walenhlangano uJulius Malema sokuhambela e-United Kingdom.
UMalema bekumele akhulume nabafundi engqungqutheleni yaminyaka yonke i-Cambridge Africa Together Conference nengeka 11 kulonyaka e-Cambridge University eBrithani ngale mpelasonto.
Lomholi ke usedalule ukuthi izolo uthole incwadi eveza ukuthi isicelo sakhe se Visa asiphumelelanga sekusele amahora amane nje vo ngaphambi kokuthi athathe loluhambo.
Okhulumela i-EFF, uThembi Msane, uthi abazisoli nakancane ngesinqumo sabo sokungawagqizi qakala amazwe afana neBrithani ahlezi ephehla udlame futhi abasoze babuyela emuva ngesinqumo sabo.
