By: Bright Ntuli
I-MK Party ithi idumele ngokuqwokwa komholi we Rize Mzansi ephalamende u-Makashule Gana njengosihlalo wekomidi elibhekele ukugudluzwa kuka mengameli esikhundleni njengoba ithi unokuchema.
UGana uthole amavoti angu-19 wehlula umholi we-United African Transformation, uWonderboy Mahlatse, yena othole amavoti angu-12.
Leli komiti lijutshwe ukuthi licubungule ukuthi ngabe uMengameli Cyril Ramaphosa kumele yini abhekane necala ngesigameko sokwebiwa kwezindodla zemali engamadolla ase Melika eplazini lakhe i-Phala Phala.
Ongusekela mengameli wokuqala we MK Party u-John Hlophe uthi uGana uzosetshenziswa ukuvikela uRamaphosa.
“Ngokubona kwethu, ukuze lolu hlelo lube nokwethembeka, kumele luholwe ngumuntu ozimele. Ngenkulu inhlonipho, asikholwa ukuthi uGana uzimele. Asifuni i-ANC iphinde ifihle iqiniso. Isimo esikuso namuhla sidalwe ukuzama kwe-ANC ukuvikela uRamaphosa,” kusho uHlophe.
