By: Xolani Khumalo
Inhlangano elawula ugesi, iNersa ithi sizoqina isandla ukujezisa bonke abakweleta uEskom, ikakhulukazi omaspala.
Ithi izosebenzisa amandla ayo manje ukufaka uswazi komaspala abasalele emuva kakhulu ekukhokheni isikweletu sikagesi ohlinzekwa uEskom.
Lenhlangano isho lokhu nje oMaspala abawu-5 bakuleli nokubalwa kubo iSaldanha Bay eWestern Cape, Ekurhuleni eGauteng kanye ne-Rustenburg eNorthwest kubashubele kakhulu.
Labo maspala bakweleta izigidi zezimali kanti sebethunyelwe nezincwadi ezinomnqamula juqu wezinyanga ezimbili, ekuzomele bakhokhe ngazo lezikweletu.
Okhulumela uNersa uCharles Hlebela uthi ngale kwalo mnqamlajuqu, uma labomaspala behluleka, bazobhekana nenhlawulo ka-2 million wamarandi usuku nosuku abaleqisa bengakhokhi.
