By: Pamella Majola
Uphiko lwezokushushisa iNPA eKZN, luthi luyasamukela isigwebo senkantolo kamantshi eNewcastle enyakatho esentshonalanga nesifundazwe, sokugweba owayeyiphoyisa uRoshanlal Banawo, iminyaka eyishumi ebhadla ejele ngesenzo sakhe sokwakha itulo lokubulala ukhomishana wamaphoyisa aseMzinyathi uFrancis Slambert.
Okhulumela iNPA uNatasha Ramkisson-Kara, uthi uBanawo oneminyaka engu-63 ubudala wacela umuntu thizeni ukuthi amfunele inkabi ezobulala uSlambert.
Uthi ngo-2023, uSlambert wasinda ngokulambisa emizamweni yokumsoconga izikhawu ezimbili.
URamkisson-Kara uthi uphenyo lowamaphoyisa lwabe seluwakhomba enkabini eyayithunywe ukwenza lomsebenzi, neyavele yacula njengenyoni.
[advanced_iframe src=”https://streaming.fabrik.fm/fabrik/echocast/player/rewind-single/player.html?id=6d2fc469-1aa3-455c-8e71-36fc65de6156&web_url=https://echocast.fabrik.fm/X7ZzN5ZYN1Wwr4qQ&podcast_id=4c67914f-811a-4687-b8a4-60cfd712becb” width=”100%” height=”200″]
