By: Bright Ntuli
Ihhovisi leNxusa lase-Iran elilapha eNingizimu Afrika selikuqinisekisile ukuthi lizibophezele ukusebenzisana nomnyango wezokuxhumana namazwe angaphandle ePitoli ukuze kubuyiswe abantu bakuleli abase Tehran.
Lokhu kulandela ukuthi ngempelasonto amasosha ase Melika ehlangene nawakwa Israel ehlasele ngeziqhumane ezinhlobonhlobo izwe lase Iran nosekuholele ekushoneni kwenqwaba yabantu bakuleliyalizwe.
Kanti isibalo sabantu balapha eNingizimu Africa abavaleleke eMiddle East asikaziwa njengoba nezikhumulo zezindiza zivalwe thaqa ngenxa yalempi.
Oyinxusa lase-Iran eNingizimu Afrika, uSeyed Mostafa Daryabari, uthi baxhumana ngqo nezikhulu zabo eTehran ukuqinisekisa ukubuya ngokuphepha kwezakhamuzi zaseNingizimu Afrika.
