By: Xolani Khumalo
IPhalamende lithi lizimisele ukulandela isinqumo seNkantolo eNkulu yaseWestern Cape mayelana nokuqokwa kuka sekela Mengameli we MK Party uJohn Hlophe, njengomunye wamalungu ePhalamende ayisithupha azosebenza kwiKhomishini eyengamele ukusebenza kwamajaji iJSC.
Inkantolo ithole ukuthi isinqumo sePhalamende likazwelonke besingekho emthethweni futhi singawenzi umqondo ophusile, uma kubhekwa ukuthi uHlophe wanqunywa ekubeni yijaji.
Okhulumela iPhalamende, uMoloto Mothapo, uthi bayawuhlonipha umhlahlandlela ochazwe yinkantolo mayelana nemibandela yomthethosisekelo olawula ukuqokwa kwamalungu ePhalamende kwi-JSC.
