By: Xolani Khumalo
UMongameli wezwe Cyril Ramaphosa kulindeleke ukuthi aphendule imibuzo namhlanje ePhalamende eKapa, ngezindaba eziphathelene nezikazwelonke ezase-Afrika kanye-ke nezomhlaba-ezithinta iNingizimu Afrika ngqo.
Phakathi kwemibuzo ekulindeleke ukuthi uRamaphosa ayiphendule kubalwa nemayelana nomthelela wezingqungquthela zokutshalwa kwezimali, ezokwandiswa kwamathuba emisebenzi, kanye nezinhlelo zikahulumeni zokubhekana nezikweletu zabafundi.
Kulindeleke ukuthi aphinde aphawule nangodaba oluthinta uNgqongqoshe Wezokuthuthukiswa Komphakathi, Sisisi Tolashe, esekube nomsindo omkhulu ngegama lakhe emaqejini ezepolitiki njengoba amanye efuna akhonjwe indlela ngezinsolo zokungaziphathi kahle.
uMongameli uzophinde aphawule nangodaba oluthinta uKhomishana Wamaphoyisa Kuzwelonke, uFannie Masemola, ogqigqa izinkantalo.
