By: Xolani Khumalo
Unobhala jikelele we-ANC uFikile Mbalula usexwayise iDA ngokuthi uMengameli uCyril Ramaphosa ngeke athule avume ukudelelwa ngosekela ngqongqoshe.
Usho lokhu njengoba uMengameli ngesonto eledlule ekhombe indlela oyilunga le-DA uAndrew Whitfield obengusekela Ngqongqoshe womnyango wezohwebo nezimboni.
U-Whitfield usolwa ngokwephula imithetho yokuziphatha emva kokuthi ethathe uhambo oluya phesheya kwezilwandle eUnited States engazange athole imvumo efanele kaMongameli – nokusho ukuthi uthathe uhambo olungagunyaziwe.
Emva kwalesimemezelo iDA imemezele ukuthi ngeke isaba yingxenye yenkulumo-ngxoxiswano kazwelonke iNational Dialogue ehlelwe uMongameli wezwe uCyril Ramaphosa.
Iphinde yaveza nokuthi izoluhoxisa futhi uxhaso lwayo lwamavoti okuphasisa isabelo-mali, esithinta izinto ezimqoka.
UMbalula uthi uma iDA ifuna ukuphuma kuHulumeni wobumbano iGNU, iminyango ivuliwe.
