By: Sthulile Mdletshe
UMengameli wamaJaji e-Eastern Cape, u-Selby Mbenenge uthi izinsolo zokunukubeza ngokocansi anukwa ngazo ziyitulo nje lokumhlambalaza esidlangalaleni nomkhankaso wokudicilela phansi isithunzi sakhe.
UMbenenge usho kanje ethula ubufakazi esigcawini esiphenya ngokuziphatha kwakhe njengejaji.
Lokhu kulandela izinsolo zokuhlukumeza ngokocansi ezilethwe unobhala wenkantolo uAndiswa Mengo.
UMengo usola uMbenege ngokumthumela izithombe zocansi ngemiqhafazo emsola nangokuthi wayefuna baye ocansini nokuyisigameko athi senzeka phakathi kuka -2021 no-2022.
Eziphendulela uMbenege ube esefunda imiyalezo ye-WhatsApp eyathunyelwa kuqala uMengo, egqamisa ukuthi lokhu bekuyindlela nje ababeteketisana ngayo njengabantu abadala abazama ukwakha ubudlelwano kwezothando.
