By: Buhle Mbhele
Ungqongqoshe wamaphoyisa osamisiwe uSenzo Mchunu useveze ukuthi abameli bakhe sebeqalile ukulungiselela usuku lwakhe lokuvela kwikhomishana ezophenya ngezinsolo azithweswe ukhomishana wamaphoyisa eKZN uNhlanhla Mkhwanazi.
UMchunu uthi umsulwa kuko konke asolwa ngakho uMkhwanazi.
Usho lokhu ekhuluma nabezindaba eMpangeni enyakatho yeKwazulu Natal.
UMkhwanazi esithangamini sabezindaba eThekwini ekuqaleni kwale nyanga, waveza ukuthi kunobufakazi obumatanisa uMchunu nokuhlakazwa kwethimba elaliphenya ukubulawa kosopolitiki eKZN.
UMchunu uthi uzimisele ukulandela yonke imigudu efanele kuze kuphume lonke iqiniso.
