By: Pamella Majola
UNgqongqoshe wamaphoyisa uSenzo Mchunu uthi sekufikile ezindlebeni zakhe ukuthi kunezinsolo abekwe zona uKhomishana wamaphoyisa ase KZN uNhlanhla Mkhwanazi.
Izolo uMkhwanazi ekhuluma esithangamini sabezindaba usole uMchunu ngokuhlakaza ithimba elaliphenya ngokubulawa kosopolitiki nabaholi bendabuko ngemva kokuthi lithole ukuthi kunosopolitiki ababandakanyeka kulokubulala.
Mkhwanazi ugeqe amagula edalula ngisho namagama ezikhulu zamaphoyisa athi ziyabandakanyeka ebugebengwini egxeka no Mchunu ngokuba mdibimunye nabantu athi benza ubugebengu obungumshosha phansi.
Eziphendulela kwabezindaba ngale zinsolo uMchunu uthi usazohlangana nethimba lakhe ukuzibhekisisa, bese ephendula ngokugcwele.
.
