By: Buhle Mbhele
Umndeni kaloyo owayenguMengameli wokuqala we ANC iNkosi uAlbert Luthuli uthi uyafisa ukuthi ijaji elengamele uphenyo ngokushona kuka Luthuli likhweze ebhokisini umshayeli wesitimela ekubikwa ukuthi yiso esashayisa lomholi washona ngo-1967.
Umndeni usho kanjena njengoba uphenyo ngokushona kuka Luthuli seluphinde lwavulwa kabusha enkantolo ephakeme ePietermairtzburg.
UVeli MaShabalala Luthuli ongumakoti wendodana yesibili kaLuthuli, usetshele izindaba zeGagasi FM ukuthi ukushona kuka babezala wakhe kusalokhu kuyisilonda emndenini yize sekuphele iminyaka engaphezu kwengu-50 kwenzeka.
Uthi bayakholwa ukuthi umshayeli wesitimela uzokhuluma iqiniso elizokweseka izinsolo zabo zokuthi uLuthuli akabulawanga ukushayiswa yistimela njengokubika kuka hulumeni wobandlululo.
UMaShabalala Luthuli uthi nokho okwamanje bewumndeni basabona ukuqhubeka kwaloluphenyo kusahamba kahle.
