By: Zilungile Mkhize
UNgqongqoshe wezokuthuthukiswa komphakathi KwaZulu-Natal uMbali Shinga, usexwayise izakhamuzi ukuthi ziqaphele njengoba isimo sezulu silokhu simanzonzo ezindaweni ezahlukene esifundazweni.
Kusukela ngoMsombuluko izingxenye ezahlukene zesifundazwe zibhekene nezimo ezahlukene zezulu, okubalwa kuzo imvula enamandla, umoya ophephula kwasani, ukukhithika kweqhwa kanye namakhaza ashubisa umnkantsha.
Imibiko ngomonakalo odalwe umoya namakhaza ilokhu ivelile, njengoba nase Ray Nkonyeni Municipality eningizimu yeKZN kubiwe ngezakhiwo ezicekeleke phansi, ukuphephuka kophahla lwezindlu nokunye.
UNgqongqoshe uShinga usekhumbuze izakhamuzi ngokubaluleka kokulandela nokulalela imiyalelo yeziphathimandla mayelana nesimo sezulu.
Uthi ngenxa yomonakalo odalwe umoya ogwini oluseningizimu umnyango usunqume ukuvala okwesikhashana amahhovisi awo ukuze kuphephe abasebenzi nomphakathi.
