By: Sthulile Mdletshe
OwayeyiNhloko yamaJaji u-Raymond Zondo uthi akazange aseseke isinqumo sokudedelwa ngoshwele wokugula ejele kowayenguMengameli wezwe uJacob Zuma ngo 2021.
UZondo usho kanje ethula inkulumo engqungqutheleni yokulwisana nobugebengu i-Common Wealth neqhubeka eKapa.
UZuma wadedelwa ngoshwele ejele lase-Estcourt maphakathi ne KwaZulu Natal, emva kokugwetshwa izinyanga ezingu-15 ngokuhluleka kwakhe ukuyovela phambi kwemishana yeState Capture eyayiholwa nguye uZondo.
UZondo ezwakalisa uvo lwakhe ngesinqumo sokuthi uZuma aqedele isigwebo sakhe ekhaya, uthi kuningi okwenziwa yizikhulu ekutheni adedelwe isigubhukane ngoshwele, nokuyinto angazange ayeseke.
